ຄຳ​ຖະ​ແຫຼງ​ນີ້​ອະ​ທິ​ບາຍ:

ພວກເຮົາຈະເກັບເອົາ ແລະ ໃຊ້ຂໍ້ມູນສ່ວນຕົວຕໍ່ໄປນີ້ເພື່ອຈຸດປະສົງຂອງໂຄສະນາຂອງ Petal:

• ຂໍ້ມູນບັນຊີ, ເຊັ່ນ ອາຍຸ, ເພດ ແລະ ຕົວ​ລະ​ບຸ​ບັນ​ຊີ, ຖ້າທ່ານໄດ້ເຂົ້າສູ່ລະບົບບັນຊີ HUAWEI ID ຂອງທ່ານແລ້ວ.

• ຂໍ້ມູນອຸປະກອນ, ເຊັ່ນ ຕົວ​ລະ​ບຸການ​ໂຄ​ສະ​ນາຂອງ Huawei (ຖ້າອຸປະກອນຂອງທ່ານມີ Huawei Mobile Services, ເຊິ່ງເອີ້ນວ່າ “HMS”), ຕົວ​ລະ​ບຸການ​ໂຄ​ສະ​ນາຂອງ Google (ຖ້າອຸປະກອນຂອງທ່ານມີ ການບໍລິການມື​ຖື Google, ເຊິ່ງເອີ້ນວ່າ “GMS”), ຕົວ​ລະ​ບຸອຸ​ປະ​ກອນ, ຍີ່ຫໍ້ອຸປະກອນ, ລຸ້ນແລະປະເພດອຸປະກອນ, ເວີ​ຊັນລະບົບປະຕິບັດການ, ຂໍ້ມູນບໍ​ລິ​ສັດ​ເຄືອ​ຂ່າຍ​ມື​ຖື, ສະຖານທີ່, ຄວາມ​ລະ​ອຽດ​ໜ້າ​ຈໍ, ການຕັ້ງຄ່າພາສາ, ຕົວປະມວນຜົນ, ຄວາມຈຳ ແລະ ຂໍ້ມູນບ່ອນຈັດເກັບຂໍ້ມູນ ແລະ ເວລາການນຳໃຊ້ອຸປະກອນ.

• ຂໍ້ມູນເຄືອຂ່າຍ, ເຊັ່ນ ທີ່ຢູ່ IP, ປະເພດເຄືອຂ່າຍ, ຊື່ Wi-Fi, ທີ່ຢູ່ MAC ຂອງຮັອດສະປອດ Wi-Fi ແລະ Bluetooth ແລະ ຂໍ້ມູນການເຂົ້າເຖິງອິນເຕີເນັດ. ພວກເຮົາໃຊ້ທີ່ຢູ່ IP ເພື່ອຮັບເອົາສະຖານທີ່ໂດຍປະມານ (ລະດັບເມືອງ/ປະເທດ ຫຼື ພາກພື້ນ). ຊື່ Wi-Fi ສາມາດຖືກໃຊ້ສຳລັບປະເມີນໝວດໝູ່ຂອງສະຖານທີ່ (ເຊັ່ນ ສະໜາມບິນ, ເມື່ອຊື່ Wi-Fi ລວມມີ “ສະໜາມບິນ”).

• ຂໍ້ມູນການໃຊ້ການບໍລິການ ເຊັ່ນ: ການຊື້ຢູ່ໃນແອັບ (ບໍ່ໄດ້ເກັບເອົາລາຍລະອຽດເພີ່ມເຕີມ, ຕົວຢ່າງ: ກ່ຽວກັບວ່າໄດ້ຊື້ຫຍັງແດ່ ແລະ ຢູ່ໃສ), ຂໍ້ມູນເຫດການໂຄສະນາ (ຕົວຢ່າງ: ການຄລິກ ແລະ ຕຳແໜ່ງການຄລິກໃນໜ້າຈໍ) ຈາກແອັບ Huawei ແລະ ແອັບພາກສ່ວນທີສາມທີ່ໃຫ້ບໍລິການໂຄສະນາແກ່ທ່ານໂດຍໃຊ້ແພລດຟອມໂຄສະນາ Petal, ຂໍ້ມູນກ່ຽວກັບເນື້ອໃນທີ່ຄລິກ (ຕົວຢ່າງ: ຍີ່ຫໍ້, ລາຄາ ແລະ ອຸດສາຫະກຳໃດ), ຂໍ້ມູນກ່ຽວກັບແອັບ (ຊື່ ແລະ ໝວດ) ທີ່ທ່ານໄດ້ຕິດຕັ້ງຈາກ HUAWEI AppGallery ແລະ ໃຊ້ໃນລະຫວ່າງ 30 ຫາ 180 ມື້ທີ່ຜ່ານມາ ແລະ ວິດີໂອທີ່ທ່ານໄດ້ເບິ່ງໃນ HUAWEI Video.ຂໍ້ມູນຕໍ່ໄປນີ້ກ່ຽວກັບການໃຊ້ HMS ຂອງທ່ານ ແລະ ປະຕິສຳພັນຂອງທ່ານກັບໂຄສະນາທີ່ສະເໜີໂດຍໂຄສະນາ Petal.

ຖ້າທ່ານມີໄດ້ເປີດໃຊ້ງານການປັບໂຄສະນາຂອງ Petal ໃຫ້ເປັນສ່ວນຕົວໃນອຸປະກອນຂອງທ່ານ, ຂໍ້ມູນສ່ວນຕົວອາດຈະຖືກໃຊ້ສຳລັບການໃຫ້ໂຄສະນາທີ່ກ່ຽວຂ້ອງຫຼາຍຂຶ້ນໃນ HUAWEI Mobile Services ແລະ ແອັບພາກສ່ວນທີສາມໂດຍແພລດຟອມໂຄສະນາຂອງ Petal. ທ່ານສາມາດຄັດຄ້ານການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວຕາມ ຂໍ້ 5.4. ຖ້າທ່ານໄດ້ປິດໃຊ້ງານການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວ, ປັດໃຈທົ່ວໄປ ເຊັ່ນ ເນື້ອໃນທີ່ທ່ານກຳລັງເບິ່ງ, ທີ່ຕັ້ງໂດຍປະມານ (ອີງຕາມທີ່ຢູ່ IP), ການຕັ້ງຄ່າພາສາອຸປະກອນ ແລະ ລຸ້ນ​ອຸ​ປະ​ກອນຈະຖືກໃຊ້ສຳລັບໃຫ້ບໍລິການໂຄສະນາຕາມສະພາບເນື້ອໃນ. ນອກຈາກນີ້, ໂຄ​ສະ​ນາ Petal ຍັງຈະຈົດຈຳແອັບທີ່ຖືກຕິດຕັ້ງໃນອຸປະກອນຂອງທ່ານໂດຍບໍ່ຕ້ອງບັນທຶກຂໍ້ມູນດັ່ງກ່າວໃສ່ເຊີບເວີໃດໜຶ່ງ ຫຼື ລິ້ງມັນກັບທ່ານ. ໃນວິທີນີ້, ທ່ານສາມາດສະແດງໂຄສະນາແອັບທີ່ເໝາະສົມໄດ້ (ເຊັ່ນ: ໂຄສະນາຈະບໍ່ກະຕຸ້ນໃຫ້ທ່ານຕິດຕັ້ງແອັບທີ່ທ່ານໄດ້ຕິດຕັ້ງແລ້ວໃນອຸປະກອນຂອງທ່ານ).

ພວກເຮົາໃຊ້ຂໍ້ມູນຈາກ HUAWEI Mobile Services ເພື່ອໃຫ້ບໍລິການໂຄສະນາເປັນແບບສ່ວນຕົວແກ່ທ່ານດັ່ງຕໍ່ໄປນີ້:

• ອີງຕາມກິດຈະກຳຂອງ HUAWEI AppGallery ຂອງທ່ານ ພວກເຮົາສ້າງກຸ່ມ ເຊັ່ນ ເກມ, ເພງ, ກິລາ, ວິດີໂອ, TV, ການສື່ສານ, ການບໍລິການທຳຄວາມສະອາດ, ສະພາບອາກາດ ແລະ ປະຕິທິນ, ແຜນທີ່, ການນຳທາງ, ການຂົນສົ່ງ, ລົດ, ການລັອກໜ້າຈໍ, ພາບພື້ນຫຼັງ, ຄວາມເປັນຢູ່ທີ່ດີ, ການຖ່າຍຮູບ, ປຶ້ມອີເລັກໂທຣນິກ, ຂ່າວ, ປຶ້ມສຽງ, ວາລະສານ, ອາລົມ, ການເດີນທາງ ແລະ ການສັນຫາຕາມແອັບທີ່ທ່ານໄດ້ຕິດຕັ້ງໄວ້. ກຸ່ມຖືກສ້າງຕາມລັກສະນະຂອງແອັບທີ່ຕິດຕັ້ງ. ນອກຈາກນີ້ ຂໍ້ມູນກ່ຽວກັບການຕິດຕັ້ງແອັບຍັງສາມາດຖືກໃຊ້ຮ່ວມກັນກັບຂໍ້ມູນອື່ນໆທີ່ກ່າວມາໃນຂໍ້ນີ້ເພື່ອສ້າງກຸ່ມ.

  ນອກຈາກນີ້, ໂຄສະນາ Petal ຈະຈື່ຈຳວ່າແອັບໃດທີ່ທ່ານໄດ້ຕິດຕັ້ງໃນອຸປະກອນຂອງທ່ານເພື່ອສະແດງໂຄສະນາແອັບທີ່ເໝາະສົມ(ຕົວຢ່າງ: ໂຄສະນາຈະບໍ່ສົ່ງເສີມໃຫ້ທ່ານຕິດຕັ້ງແອັບທີ່ທ່ານໄດ້ຕິດຕັ້ງໃນອຸປະກອນຂອງທ່ານແລ້ວ) ແລະ ເພື່ອເປີດໃຊ້ງານການວັດແທກ ແລະ ການລາຍງານການດາວໂຫຼດແອັບສຳລັບຜູ້ໂຄສະນາຂອງໂຄສະນາ Petal ເພື່ອເປັນເກນວັດແທກແຄມເປັນ.

• ອີງຕາມກິດຈະກຳຂອງ HUAWEI Video ຂອງທ່ານ ພວກເຮົາສ້າງກຸ່ມສຳລັບຜູ້ລົງໂຄສະນາ ເຊັ່ນ ກາຕູ່ນ, ອາຊະຍາກຳ, ການສຳພາດ, ເພງ, ອາຫານ, ແຟເຊິນ, ລົດ, ແຟນຕາຊີ, ການສຶກສາ, ວັນນະຄະດີ, ເທັກໂນໂລຊີ, ຄອບຄົວ ແລະ ກິລາຕາມວິດີໂອທີ່ທ່ານໄດ້ເບິ່ງ. ກຸ່ມຖືກສ້າງຕາມລັກສະນະຂອງວິດີໂອທີ່ເບິ່ງ. ນອກຈາກນີ້ ຂໍ້ມູນກ່ຽວກັບວິດີໂອທີ່ເບິ່ງຍັງສາມາດຖືກໃຊ້ຮ່ວມກັນກັບຂໍ້ມູນອື່ນໆທີ່ກ່າວມາໃນຂໍ້ນີ້ເພື່ອສ້າງກຸ່ມ.

• ຂໍ້ມູນບັນຊີ HUAWEI ID ຖືກໃຊ້ສຳລັບການສ້າງກຸ່ມອາຍຸ ແລະ ເພດ. ຖ້າທ່ານບໍ່ມີບັນຊີ HUAWEI ID, ພວກເຮົາອາດຈະລົງຄວາມເຫັນອາຍຸ ແລະ ເພດຂອງທ່ານໂດຍໃຊ້ຂໍ້ມູນທີ່ກ່າວມາໃນຂໍ້ນີ້.

• ຂໍ້ມູນ HUAWEI ID ຖືກໃຊ້ສຳລັບການສ້າງກຸ່ມກ່ຽວກັບສະຖານະການຊຳລະເງິນຂອງທ່ານ (ຜູ້ໃຊ້ທີ່ຊຳລະເງິນ ຫຼື ຜູ້ໃຊ້ທີ່ບໍ່ໄດ້ຊຳລະເງິນ) ອີງຕາມວ່າທ່ານໄດ້ເຮັດການຊຳລະເງິນໃນແອັບດ້ວຍ HUAWEI IAP ຫຼືບໍ່.

  ນອກຈາກນີ້, ລະບົບປະຕິບັດການ EMUI ທີ່ດຳເນີນງານໂດຍ Huawei Device Co., Ltd. ຈະແຈ້ງເຕືອນແພລດຟອມໂຄສະນາ Petal ກ່ຽວກັບຂໍ້ເທັດຈິງວ່າໄດ້ເຮັດການຊຳລະເງິນໃນອຸປະກອນຂອງທ່ານ (ບໍ່ໄດ້ເກັບເອົາລາຍລະອຽດເພີ່ມເຕີມ, ຕົວຢ່າງ: ໄດ້ຊື້ຫຍັງແດ່ ແລະ ຢູ່ໃສ).

ພວກເຮົາໃຊ້ຂໍ້ມູນຈາກ ແອັບ​ພາກ​ສ່ວນ​ທີ​ສາມ ທີ່ໃຫ້ບໍລິການໂຄສະນາແກ່ທ່ານຜ່ານແພລດຟອມໂຄສະນາຂອງ Petal ດັ່ງຕໍ່ໄປນີ້:

• ເມື່ອແອັບໃດໜຶ່ງທີ່ທ່ານກຳລັງໃຊ້ຢູ່ກຳລັງໃຫ້ບໍລິການໂຄສະນາຈາກແພລດຟອມໂຄສະນາ Petal, ແອັບນັ້ນຈະເຮັດໜ້າທີ່ເປັນແຫຼ່ງຂໍ້ມູນສຳລັບໂຄສະນາ Petal ສຳລັບຈຸດປະສົງການປັບໂຄສະນາໃຫ້ເປັນສ່ວນຕົວ ແລະ ແຊຣ໌ຂໍ້ມູນກ່ຽວກັບແອັບທີ່ທ່ານກຳລັງໃຊ້ຢູ່ (ຕົວຢ່າງ: ຊື່ແອັບ, ເວີຊັນ ແລະ ເວລາການໃຊ້ແອັບ ແລະ ຄວາມຖີ່), ຂໍ້ມູນບໍລິບົດ (ຕົວຢ່າງ: ວິດີໂອປະເພດໃດທີ່ທ່ານກຳລັງເບິ່ງຢູ່ໃນເວລາທີ່ສະເໜີໂຄສະນາໃຫ້), ຕົວລະບຸການໂຄສະນາຂອງອຸປະກອນຂອງທ່ານ, ຕົວລະບຸການໂຄສະນາ/ແຄມເປນ, ທີ່ຢູ່ IP, ຂໍ້ມູນອຸປະກອນ (ຕົວຢ່າງ: ຍີ່ຫໍ້ ແລະ ລຸ້ນ) ແລະ ຂໍ້ມູນການຕິດຕັ້ງແອັບ, ຂໍ້ມູນລະບົບປະຕິບັດການ, ປະເພດເຄືອຂ່າຍ, ຂໍ້ມູນບໍລິສັດເຄືອຂ່າຍມືຖື, ຂໍ້ມູນທີ່ຕັ້ງ (ຖ້າທ່ານໄດ້ໃຫ້ອະນຸຍາດການໃຊ້ຂໍ້ມູນທີ່ຕັ້ງ). ພວກເຮົາຍັງອາດຈະຮັບຂໍ້ມູນການຍິນຍອມທີ່ບົ່ງບອກເຖິງການຍິນຍອມ ແລະ ການກຳນົດການຄັດຄ້ານຂອງທ່ານ ແລະ ຈະປະມວນຂໍ້ມູນຂອງທ່ານຕາມນັ້ນ. ພວກເຮົາຈະຮັບຂໍ້ມູນທຸກໆຄັ້ງທີ່ແອັບພາກສ່ວນທີສາມເຮັດຄຳຂໍໂຄສະນາເຖິງໂຄສະນາ Petal. ນອກຈາກນີ້, ຂໍ້ມູນກ່ຽວກັບວິທີທີ່ທ່ານໂຕ້ຕອບກັບໂຄສະນາຈາກໂຄສະນາ Petal (ການຄລິກໂຄສະນາ, ການດາວໂຫຼດ, ການເບິ່ງ, ການຫຼິ້ນ, ອື່ນໆ) ຍັງຈະຖືກເກັບເອົາ. ຂໍ້ມູນນີ້ອະນຸຍາດໃຫ້ພວກເຮົາສ້າງກຸ່ມຕາມຕົວຢ່າງລັກສະນະຂອງແອັບທີ່ທ່ານກຳລັງໃຊ້ຢູ່ ແລະ ຄວາມຖີ່ຂອງການໃຊ້ດັ່ງກ່າວ ລວມທັງລັກສະນະຂອງເນື້ອໃນທີ່ທ່ານກຳລັງເບິ່ງ ແລະ ສາມາດຖືກໃຊ້ຕາມລຳພັງ ຫຼື ຮ່ວມກັບຂໍ້ມູນອື່ນໆທີ່ກ່າວມາໃນຂໍ້ນີ້ເພື່ອສ້າງກຸ່ມ. ຂໍ້ມູນດັ່ງກ່າວຍັງຖືກໃຊ້ສຳລັບຈຸດປະສົງອື່ນ, ລວມທັງ ການວັດແທກປະສິດທິພາບ, ການປ້ອງກັນການສໍ້ໂກງ ແລະ ການລາຍງານຕາມລາຍລະອຽດໃນຂໍ້ 2 ຂອງຄຳຖະແຫຼງນີ້.

ພວກເຮົາໃຊ້ ຂໍ້ມູນທີ່ຕັ້ງ ອຸປະກອນຂອງທ່ານສຳລັບໂຄສະນາຕາມທີ່ຕັ້ງດັ່ງຕໍ່ໄປນີ້:

• ຖ້າທ່ານໄດ້ເປີດໃຊ້ງານການປັບໂຄສະນາໃຫ້ເປັນສ່ວນຕົວ ແລະ ໃຫ້ຄຳຍິນຍອມຕໍ່ໂຄສະນາຕາມທີ່ຕັ້ງໃນອຸປະກອນ HMS, ພວກເຮົາອາດຈະປະມວນຜົນຂໍ້ມູນ GPS ຂອງທ່ານຮ່ວມກັບຕົວລະບຸການໂຄສະນາຂອງອຸປະກອນ Huawei ຂອງທ່ານ ເພື່ອດຶງຂໍ້ມູນໝວດສະຖານທີ່ຂອງສະຖານທີ່ທີ່ທ່ານໄດ້ໄປໃນຊ່ວງ 30 ວັນຜ່ານມາ ເຊັ່ນ: ເຂດທຸລະກິດ, ເຂດທີ່ຢູ່ອາໄສ, ອາຄານທຸລະກິດ, ພື້ນທີ່ອຸດສາຫະກຳ, ມະຫາວິທະຍາໄລ, ສະໜາມບິນ, ສະຖານີລົດໄຟ, ສະຖານີລົດເມ, ລົດໄຟໃຕ້ດິນ, ຫ້ອງສະໝຸດ ແລະ ຫໍພິພິດທະພັນ.ຖ້າທ່ານໄດ້ໃຫ້ຄຳຍິນຍອມຕໍ່ໂຄສະນາອີງຕາມທີ່ຕັ້ງໃນອຸປະກອນ HMS, ພວກເຮົາອາດຈະປະມວນຜົນທີ່ຕັ້ງທີ່ແນ່ນອນຂອງທ່ານ (ຜ່ານຂໍ້ມູນ GPS/GNSS ແລະ ເຄືອຂ່າຍ) ຮ່ວມກັບຕົວລະບຸການໂຄສະນາຂອງອຸປະກອນ Huawei ຂອງທ່ານ. ນອກຈາກນີ້, ເພື່ອລະບຸການການເດີນທາງໄປປະ​ເທດ ແລະ ເມືອງຕ່າງໆຂອງທ່ານ, ທີ່ຕັ້ງທີ່ແນ່ນອນຂອງທ່ານເຮັດໃຫ້ເຮົາສາມາດລະບຸໝວດໝູ່ທີ່ຕັ້ງອື່ນໆທີ່ທ່ານໄດ້ໄປ ເຊັ່ນ: ເຂດທຸລະກິດ, ເຂດທີ່ຢູ່ອາໄສ, ອາຄານທຸລະກິດ, ພື້ນທີ່ອຸດສາຫະກຳ, ມະຫາວິທະຍາໄລ, ສະໜາມບິນ, ສະຖານີລົດໄຟ, ສະຖານີລົດເມ, ລົດໄຟໃຕ້ດິນ, ຫ້ອງສະໝຸດ ແລະ ຫໍພິພິດຕະພັນ. ນອກຈາກນີ້, ພວກເຮົາອາດຈະໃຊ້ຊື່ Wi-Fi ເພື່ອເຂົ້າເຖິງໝວດໝູ່ທີ່ຕັ້ງທີ່ທ່ານໄດ້ໄປ (ຕົວຢ່າງ: ສະໜາມບິນ, ເມື່ອຊື່ Wi-Fi ມີຄຳວ່າ “ສະໜາມບິນ”).

• ຖ້າທ່ານໄດ້ເປີດໃຊ້ງານການອະນຸຍາດທີ່ຕັ້ງຂອງແອັບທີ່ສະເໜີໂຄສະນາໂດຍແພລດຟອມໂຄສະນາ Petal, ພວກເຮົາຍັງອາດຈະໃຊ້ທີ່ຕັ້ງຂອງອຸປະກອນຂອງທ່ານເພື່ອສະແດງໂຄສະນາອີງຕາມພື້ນທີ່ ແລະ ທີ່ຕັ້ງທີ່ທ່ານໄດ້ໄປ.

• ​ພວກ​ເຮົາອາດຈະໄດ້ຮັບທີ່ຕັ້ງຂອງທ່ານໂດຍກົງຈາກອຸປະກອນຂອງທ່ານໂດຍໃຊ້ຄວາມ​ສາ​ມາດ​ໃນການຊອກຫາຂອງ GNSS ຂອງມັນ (ໂດຍທີ່ອຸປະກອນໄດ້ຮັບທີ່ຕັ້ງຈາກດາວທຽມ) ຫຼື ຜ່​ານ​ການ​ບໍ​ລິ​ການ​ທີ່​ຕັ້ງ HMS Core, ເຊິ່ງຄຳ​ນວນທີ່ຕັ້ງຂອງທ່ານ​​ອີງ​ໃສ່ຂໍ້ມູນເຄືອຂ່າຍ (ເຊັ່ນ ທີ່​ຕັ້ງຮັອດ​ສະ​ປອດ Wi-Fi/Bluetooth ແລະ ເສົາສັນຍານມືຖື). ​ເຮັດ​ສິ່ງ​ນີ້​ໂດຍ​ການ​ປະ​ມານທີ່​ຕັ້ງ​ຂອງ​ທ່ານໂດຍການປຽບທຽບຂໍ້ມູນເຄືອຂ່າຍ (ເຊັ່ນ ເຄືອຂ່າຍ Wi-Fi, ປະເພດສະເພາະຂອງອຸປະກອນ Bluetooth ແລະ ເສົາສັນຍານມືຖືທີ່ສົ່ງສັນ​ຍານຫາອຸປະກອນຂອງທ່ານ) ທີ່ຢູ່ອ້ອມຮອບທີ່ຕັ້ງປະຈຸບັນຂອງທ່ານ​ກັບຖານຂໍ້ມູນທີ່ຕັ້ງ​ຂອງ​ການ​ບໍ​ລິ​ການ​ທີ່​ຕັ້ງ HMS Core. ສຳລັບຂໍ້ມູນເພີ່ມເຕີມກ່ຽວກັບການບໍລິການສະຖານທີ່ Huawei, ໄປທີ່ ການຕັ້ງຄ່າ > ຄວາມເປັນສ່ວນຕົວ > ການບໍລິການສະຖານທີ່ ໃນອຸປະກອນຂອງທ່ານ (ກະ​ລຸ​ນາ​ຮັບ​ຊາບ​ວ່າ​ສະ​ຖານ​ທີ່​ການ​ຕັ້ງ​ຄ່າ​ອາດ​ຈະ​ແຕກ​ຕ່າງ​ກັນ ໂດຍຂຶ້ນ​ກັບ​ເວີ​ຊັນ​ລະ​ບົບ​ປະ​ຕິ​ບັດ​ການ​ຂອງ​ທ່ານ).

• ພວກເຮົາອາດຈະໃຊ້​ການ​ຮຽນ​ຮູ້​ແບບ​ສະ​ຫະ​ພັນໃນອຸປະກອນຂອງທ່ານເພື່ອໃຫ້ບໍລິການໂຄສະນາທີ່ກ່ຽວຂ້ອງເພີ່ມເຕີມແກ່ທ່ານ. ຖ້າເປີດໃຊ້ງານໂຄສະນາອັດສະລິຍະແລ້ວ, ພວກເຮົາຈະໃຊ້ການປະມວນຜົນພາຍໃນເຄື່ອງ, ໃນອຸປະກອນເພື່ອເລືອກໂຄສະນາສຳລັບກຸ່ມຄົນ, ແທນທີ່ຈະເປັນບຸກຄົນ. ພວກເຮົາຈະໃຊ້ຂໍ້ມູນທີ່ຈັດເກັບໄວ້ໃນອຸປະກອນຂອງທ່ານ, ເຊັ່ນ ແອັບທີ່ຕິດຕັ້ງແລ້ວ, ການໃຊ້ແອັບ, ອຸປະກອນ, ທີ່​ຕັ້ງ ແລະ ຂໍ້ມູນແອັບ. ທ່ານສາມາດປິດໃຊ້ງານໂຄສະນາອັດສະລິຍະໄດ້ຕະຫຼອດເວລາ ຕາມ ຂໍ້ 5.4.

ພວກເຮົາໃຊ້ຂໍ້ມູນສ່ວນຕົວຂອງທ່ານເພື່ອຈຸດປະສົງຕໍ່ໄປນີ້ ໂດຍມີຄຳຍິນຍອມຂອງທ່ານ ຕາມຜົນປະໂຫຍດທີ່ຖືກຕ້ອງຕາມກົດໝາຍທີ່ດຳເນີນການໂດຍພວກເຮົາ:

• ເພື່ອໃຫ້ເຂົ້າໃຈເຖິງຄວາມຕ້ອງການຂອງຜູ້ໃຊ້ໃນການເປີດໃຊ້ງານການໂຄສະນາເປົ້າໝາຍໃຫ້ເໝາະສົມກັບຄວາມສົນໃຈຂອງພວກເຂົາ. ນອກຈາກນີ້ ການປະມວນຜົນຍັງຊ່ວຍໃຫ້ຜູ້ລົງໂຄສະນາທີ່ໃຊ້ແພລດຟອມໂຄສະນາຂອງ Petal ສາມາດໂຟກັສການໂຄສະນາຂອງພວກເຂົາໄປຍັງຜູ້ຄົນທີ່ເໝາະສົມໃນເວລາທີ່ເໝາະສົມ.

  ພວກເຮົາໃຊ້ຂໍ້ມູນຂອງຜູ້ໃຊ້ເພື່ອສ້າງກຸ່ມທີ່ແຕກຕ່າງກັນຕາມລັກສະນະທີ່ຄ້າຍຄືກັນທີ່ແຊຣ໌ໂດຍຜູ້ໃຊ້. ຂໍ້ມູນທີ່ກ່າວມາຂ້າງເທິງຖືກໃຊ້ເພື່ອກຳນົດກຸ່ມທີ່ທ່ານໄດ້ຖືກກຳນົດໃສ່. ຜູ້ລົງໂຄສະນາສາມາດໃຊ້ກຸ່ມເຫຼົ່ານີ້ເພື່ອສ້າງກຸ່ມເປົ້າໝາຍສະເພາະສຳລັບໂຄສະນາຂອງພວກເຂົາ. ທ່ານສາມາດຊອກຫາຂໍ້ມູນເພີ່ມເຕີມກ່ຽວກັບວິທີເຂົ້າເຖິງ ແລະ ຄວບຄຸມກຸ່ມດັ່ງກ່າວຈາກ ຂໍ້ 5. ພວກເຮົາບໍ່ຊ່ວຍໃຫ້ ຫຼື ອະນຸຍາດໃຫ້ຜູ້ລົງໂຄສະນາສາມາດກຳນົດເປົ້າໝາຍຜູ້ໃຊ້ຕາມຂໍ້ມູນທີ່ລະອຽດອ່ອນເຊັ່ນ: ຂໍ້ມູນທີ່ກ່ຽວກັບສຸຂະພາບ, ລັກສະນະທາງເພດ, ຄວາມເຊື່ອທາງດ້ານສາສະໜາ ຫຼື ຄວາມກ່ຽວຂ້ອງທາງດ້ານການເມືອງ. ເພື່ອປົກປ້ອງເດັກນ້ອຍຈາກອັນຕະລາຍໃດໜຶ່ງທີ່ອາດຈະເກີດຂຶ້ນຈາກການໂຄສະນາ, ພວກເຮົາບໍ່ໄດ້ໃຫ້ບໍລິການໂຄສະນາເປັນແບບສ່ວນຕົວແກ່ເດັກນ້ອຍໂດຍເຈດຕະນາ ແລະ ມຸ່ງໝາຍທີ່ຈະກັ່ນຕອງ ແລະ ຈຳກັດໂຄສະນາທີ່ອາດຈະບໍ່ເໝາະສົມສຳລັບເດັກນ້ອຍ. ຖ້າຄຳຂໍໂຄສະນາຈາກແອັບໃດໜຶ່ງລະບຸວ່າ ຜູ້ໃຊ້ເປັນເດັກ, ພວກເຮົາຈະໃຫ້ບໍລິການໂຄສະນາຕາມສະພາບເນື້ອໃນເທົ່ານັ້ນ ແລະ ຈະບໍ່ຈັດເກັບ ຫຼື ໃຊ້ຂໍ້ມູນໃດໜຶ່ງສຳລັບການສ້າງໂປຣໄຟລ໌. ນອກຈາກນີ້, ໂຄ​ສະນາທີ່ປັບເປັນແບບສ່ວນຕົວຈະຖືກປິດໃຊ້ງານຕາມຄ່າເລີ່ມຕົ້ນໃນອຸປະກອນ HMS ສຳລັບຜູ້ໃຊ້ທີ່ເຂົ້າສູ່ລະບົບດ້ວຍບັນຊີເດັກ HUAWEI ID ຖ້າອຸປະກອນ HMS ໄດ້ຖືກຕັ້ງສຳລັບຜູ້ໃຊ້ທີ່ເປັນເດັກໂດຍສະເພາະ.

  ພວກເຮົາບໍ່ແຊຣ໌ ຫຼື ເຮັດໃຫ້ຜູ້ລົງໂຄສະນາ ຫຼື ພາກສ່ວນທີສາມອື່ນໃດເຫັນຂໍ້ມູນກຸ່ມໃດໆທີ່ອາດຈະເຊື່ອມໂຍງ ຫຼື ລິ້ງກັບທ່ານໃນຖານະເປັນຜູ້ໃຊ້ສະເພາະ. ພວກເຮົາກວດສອບໃຫ້ແນ່ໃຈວ່າບໍ່ມີໂຄສະນາທີ່ຖືກເຜີຍແຜ່ອອກໄປຖ້າຜູ້ໃຊ້ໜ້ອຍກວ່າ 5,000 ຄົນໃນກຸ່ມເປົ້າໝາຍສະເພາະໃດໜຶ່ງທີ່ສ້າງຂຶ້ນໂດຍຜູ້ລົງໂຄສະນາ.

• ຜູ້ລົງໂຄສະນາສາມາດໃຊ້ຂໍ້ມູນຜູ້ໃຊ້ຂອງພວກເຂົາເອງເພື່ອສ້າງຜູ້ຊົມທາງການຕະຫຼາດ ແລະ ເພື່ອລະບຸເປົ້າໝາຍຜູ້ໃຊ້ສະເພາະຜ່ານໂຄສະນາ Petal ໂດຍອີງຕາມອຸປະກອນຂອງພວກເຂົາ ແລະ ຕົວລະບຸການໂຄສະນາອື່ນໆ. ຜູ້ລົງໂຄສະນາຈຳເປັນຕ້ອງຮັບເອົາຄຳຍິນຍອມຈາກຜູ້ໃຊ້ຂອງພວກເຂົາເພື່ອດຳເນີນການລະບຸເປົ້າໝາຍດັ່ງກ່າວ. ຕ້ອງມີຜູ້ໃຊ້ຢ່າງໜ້ອຍ 5,000 ຄົນໃນກຸ່ມເປົ້າໝາຍດັ່ງກ່າວ. ຜູ້ລົງໂຄສະນາຍັງສາມາດລະບຸເປົ້າໝາຍຜູ້ໃຊ້ທີ່ຄ້າຍຄືກັນໂດຍອີງຕາມຜູ້ຊົມຂັ້ນຕົ້ນທີ່ຖືກສ້າງຂຶ້ນໂດຍພວກເຂົາ. ຜູ້ລົງໂຄສະນາຖືກຫ້າມພາຍໃຕ້ນະໂຍບາຍໂຄສະນາ Petal ຈາກການລະບຸເປົ້າໝາຍຜູ້ໃຊ້ໂດຍອີງຕາມລັກສະນະທີ່ອ່ອນໄຫວຂອງພວກເຂົາ ເຊັ່ນ: ສຸຂະພາບ, ລັກສະນະທາງເພດ, ຄວາມເຊື່ອທາງສາສະໜາ ຫຼື ຄວາມກ່ຽວພັນດ້ານການເມືອງ.

• ສຳລັບການເກັບເອົາຂໍ້ມູນທາງດ້ານສະຖິຕິກ່ຽວກັບການຄລິກໂຄສະນາ ແລະ ການດຳເນີນການຂອງທ່ານ, ເຊັ່ນ ເປີດ, ດາວໂຫຼດ ຫຼື ຫຼິ້ນເນື້ອໃນໂຄສະນາຕ່າງໆໃນ HUAWEI ແລະ ແອັບຮຸ້ນສ່ວນ ພ້ອມທັງກ່ຽວກັບການຕິດຕັ້ງ ແລະ ການເປີດໃຊ້ງານແອັບ HUAWEI AppGallery. ຂໍ້ມູນນີ້ຖືກໃຊ້ສຳລັບການຈັດການຄວາມສຳພັນທາງດ້ານທຸລະກິດຂອງພວກເຮົາກັບຜູ້ລົງໂຄສະນາ ແລະ ສຳລັບການລາຍງານ ແລະ ການວັດປະສິດທິພາບໂຄສະນາຂອງພວກເຂົາ. ພວກເຮົາແຊຣ໌ລາຍງານທີ່ລວມເຂົ້າກັນກັບຜູ້ລົງໂຄສະນາ. ສິ່ງນີ້ໃຫ້ການບໍລິການຜົນປະໂຫຍດທາງດ້ານການຄ້າຂອງພວກເຂົາ, ເພາະວ່າພວກເຮົາໄດ້ຮັບການຈ່າຍເງິນຈາກຜູ້ລົງໂຄສະນາສຳລັບການຈັດວາງ ແລະ ປະສິດທິພາບຂອງໂຄສະນາ.

• ນອກເໜືອຈາກການແຊຣ໌ລາຍງານທີ່ລວມເຂົ້າກັນກັບຜູ້ລົງໂຄສະນາ, ແພລດຟອມໂຄສະນາ Petal ຍັງໃຫ້ຂໍ້ມູນຕໍ່ໄປນີ້ແກ່ຜູ້ລົງໂຄສະນາທີ່ກ່ຽວຂ້ອງກັບວິທີທີ່ທ່ານໂຕ້ຕອບກັບໂຄສະນາຂອງພວກເຂົາ: ຕົວລະບຸການໂຄສະນາຂອງອຸປະກອນທີ່ມີຂໍ້ມູນກ່ຽວກັບແອັບທີ່ກຳລັງສະແດງໂຄສະນາໃຫ້ທ່ານເບິ່ງ (ຕົວຢ່າງ: ຊື່ແອັບ, ເວີຊັນ, ພາສາ ແລະ ປະ​ເທດ/ພາກ​ພື້ນ), ຂໍ້ມູນອຸປະກອນ (ເຊັ່ນ: ຍີ່ຫໍ້, ລຸ້ນ, ຄວາມລະອຽດໜ້າຈໍ ແລະ ຂໍ້ມູນລະບົບປະຕິບັດການ), ຂໍ້ມູນເຄືອຂ່າຍ (ເຊັ່ນ: ທີ່ຢູ່ IP, ຂໍ້ມູນບໍລິສັດເຄືອຂ່າຍມືຖື ແລະ ປະເພດເຄືອຂ່າຍ) ແລະ ຕົວລະບຸການໂຄສະນາ/ແຄມເປນ ແລະ ເຫດການໂຄສະນາ (ຕົວຢ່າງ: ການເບິ່ງ, ການຄລິກ, ການຫຼິ້ນ ແລະ ການດາວໂຫຼດໂຄສະນາ). ຜູ້ລົງໂຄສະນາປະມວນຂໍ້ມູນຕາມນະໂຍບາຍຄວາມເປັນສ່ວນຕົວຂອງພວກເຂົາ ແລະ ອາດຈະໃຊ້ມັນສຳລັບຈຸດປະສົງການວິເຄາະຄຸນລັກສະນະ, ການຕິດຕາມການຫັນປ່ຽນເປັນມູນຄ່າ, ການຕໍ່ຕ້ານການສໍ້ໂກງ ແລະ ການປະເມີນເອັບເຝັກ. ການປະມວນຜົນໃຫ້ຄວາມສົນໃຈທາງດ້ານການຄ້າຂອງພວກເຮົາ ແລະ ຂອງຜູ້ລົງໂຄສະນາຂອງພວກເຮົາ ເນື້ອງຈາກມັນຊ່ວຍໃຫ້ຜູ້ລົງໂຄສະນາສາມາດວິເຄາະໄດ້ວ່າ ຜູ້ໃຊ້ໂຕ້ຕອບກັບໂຄສະນາຂອງຕົນເອງແນວໃດ ແລະ ປະສິດທິພາບຂອງໂຄສະນາດັ່ງກ່າວ. ຜູ້ລົງໂຄສະນາຍັງອາດຈະໃຊ້ຂໍ້ມູນສຳລັບກິດຈະກຳການເຮັດການຕະຫຼາດຄືນໃໝ່ຂອງພວກເຂົາໃນໂຄສະນາ Petal ຫຼື ແພລດຟອມການໂຄສະນາອື່ນໆ (ຕົວຢ່າງ: ກຳນົດທ່ານ ຫຼື ຜູ້ໃຊ້ທີ່ຄ້າຍຄືກັນເປັນເປົ້າໝາຍ, ອີງຕາມຂໍ້ເທັດຈິງວ່າທ່ານໄດ້ເຂົ້າເບິ່ງແອັບ ຫຼື ໜ້າເວັບຂອງພວກເຂົາ), ຖ້າທ່ານໄດ້ໃຫ້ຄຳຍິນຍອມແກ່ຜູ້ລົງໂຄສະນາສຳລັບການປະມວນຜົນດັ່ງກ່າວ. ຜູ້ລົງໂຄສະນາຖືກຫ້າມພາຍໃຕ້ນະໂຍບາຍໂຄສະນາ Petal ຈາກການໃຊ້ຂໍ້ມູນເພື່ອສ້າງ ຫຼື ເສີມໂປຣໄຟລ໌ຜູ້ໃຊ້ຂອງພວກເຂົາ ຫຼື ການສ້າງກຸ່ມເປົິ້າໝາຍໂດຍອີງຕາມຂໍ້ມູນລະອຽດອ່ອນເຊັ່ນ: ຂໍ້ມູນທີ່ກ່ຽວຂ້ອງກັບສຸຂະພາບ, ລັກສະນະທາງເພດ, ຄວາມເຊື່ອທາງສາສະໜາດ ຫຼື ຄວາມກ່ຽວພັນດ້ານການເມືອງ.

• ສຳລັບຈຸດປະສົງຂອງການວິເຄາະ ແລະ ການພັດທະນາເພື່ອໃຫ້ເຂົ້າໃຈຄວາມຕ້ອງການຂອງຜູ້ໃຊ້ຂອງພວກເຮົາໃນຖານະເປັນລູກຄ້າ ແລະ ເພື່ອປັບປຸງຄຸນນະພາບ ແລະ ປະສົບການຜູ້ໃຊ້ຂອງການບໍລິການ ແລະ ຂໍ້ສະເໜີໃນປະຈຸບັນແລະອະນາຄົດຂອງພວກເຮົາ.

• ສຳລັບການກວດຫາການສໍ້ໂກງ (ຕົວຢ່າງ ຜູ້ໂຈມຕີຈະໃຊ້ຊອບແວອັດຕະໂນມັດເພື່ອຄລິກທີ່ການໂຄສະນາຢ່າງເປັນລະບົບ) ແລະ ການປ້ອງກັນຜູ້ລົງໂຄສະນາຈາກການຄິດຄ່າບໍລິການແບບບໍ່ເປັນທຳ. ຕົວຢ່າງ, ພວກເຮົາອາດຈະວິເຄາະວິທີທີ່ຜູ້ໃຊ້ໂຕ້ຕອບກັບໜ້າຈໍສຳຜັດ (ເຊັ່ນ ໜ້າຈໍຖືກສຳຜັດແນວໃດ ແລະ ຕຳ​ແໜ່ງໜ້າຈໍໃດຖືກສຳຜັດ) ແລະ ວິທີທີ່ອຸປະກອນກຳລັງເຄື່ອນໄຫວຢູ່ (ຕາມຂໍ້ມູນເຊັນເຊີຂອງອຸປະກອນ) ເພື່ອກວດຫາ ແລະ ປ້ອງກັນການຄລິກໂຄສະນາທີ່ຫຼອກລວງ.

• ສຳລັບຈຸດປະສົງດ້ານຄວາມປອດໄພຂອງຂໍ້ມູນເພື່ອສະໜອງການບໍລິການທີ່ປອດໄພ ແລະ ເຊື່ອຖືໄດ້ແກ່ທ່ານ.

ແອັບພາກສ່ວນທີສາມທີ່ສະເໜີໂຄສະນາແກ່ທ່ານຈາກໂຄສະນາ Petal ຈຳເປັນຕ້ອງຮັບເອົາຄຳຍິນຍອມລ່ວງໜ້າສຳລັບການເຂົ້າເຖິງຕົວລະບຸການໂຄສະນາຂອງອຸປະກອນຂອງທ່ານ ແລະ ການອະນຸຍາດໃຫ້ແຊຣ໌ ແລະ ໃຊ້ຂໍ້ມູນຂອງທ່ານສຳລັບການປັບໂຄສະນາໃຫ້ເປັນສ່ວນຕົວຕາມທີ່ລະບຸໄວ້ໃນຄຳຖະແຫຼງຄວາມເປັນສ່ວນຕົວນີ້. ພວກເຮົາຈະປະມວນຜົນຂໍ້ມູນຂອງທ່ານຕາມຂໍ້ມູນຄຳຍິນຍອມທີ່ສົ່ງຜ່ານຫາພວກເຮົາໂດຍແອັບທີ່ລະບຸການກຳນົດຄ່າຂອງທ່ານວ່າເປັນການຍິນຍອມ ຫຼື ການຄັດຄ້ານສຳລັບຈຸດປະສົງການປະມວນຜົນສະເພາະ. ຖ້າທ່ານບໍ່ໄດ້ໃຫ້ຄຳຍິນຍອມສຳລັບການປັບໂຄສະນາເປັນແບບສ່ວນຕົວສຳລັບແອັບ, ທ່ານອາດຈະຍັງໄດ້ຮັບໂຄສະນາຕາມບໍລິບົດຈາກໂຄສະນາ Petal ໂດຍອີງຕາມປັດໄຈທົ່ວໄປເຊັ່ນ: ເນື້ອໃນທີ່ທ່ານກຳລັງເບິ່ງ, ທີ່ຕັ້ງໂດຍປະມານ (ອີງຕາມທີ່ຢູ່ IP), ການຕັ້ງຄ່າພາສາຂອງອຸປະກອນ ແລະ ລຸ້ນອຸປະກອນ.

ຖ້າທ່ານໄດ້ໃຫ້ຄຳຍິນຍອມແກ່ໂຄສະນາອີງຕາມທີ່ຕັ້ງຕາມ ຂໍ້ 1, ພວກເຮົາອາດຈະປະມວນຜົນຂໍ້ມູນ GPS ແລະ Wi-Fi ທີ່ຕັ້ງທີ່ແນ່ນອນຂອງອຸປະກອນຂອງທ່ານເພື່ອສະແດງໂຄສະນາອີງຕາມພື້ນທີ່ ແລະ ທີ່ຕັ້ງທີ່ທ່ານໄດ້ໄປ. ພວກເຮົາບໍ່ຈັດເກັບທີ່ຕັ້ງອຸປະກອນທີ່ຖືກຕ້ອງຂອງທ່ານໄວ້ໃນແພລດຟອມໂຄສະນາຂອງພວກເຮົາ.

ຂໍ້ມູນສ່ວນຕົວທີ່ໃຊ້ສຳລັບການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວຈະຖືກເກັບຮັກສາໄວ້ເປັນເວລາໜຶ່ງ (1) ປີ ນັບຕັ້ງແຕ່ເວລາທີ່ທ່ານເກັບເອົາ. ເມື່ອໄລຍະເວລາເກັບຮັກສາໝົດອາຍຸ, ພວກເຮົາຈະລຶບ ຫຼື ບໍ່ລະບຸຊື່ຂໍ້ມູນສ່ວນຕົວຂອງທ່ານ, ຍົກເວັ້ນແຕ່​ວ່າ​​ກົດ​ໝາຍ ແລະ ຂໍ້ບັງຄັບກຳນົດໄວ້ເປັນຢ່າງອື່ນ. ຂໍ້ມູນໃດໆທີ່ປະມວນຜົນສຳລັບການໃຫ້ໂຄສະນາຕາມບໍລິບົດຈະຖືກລຶບໃນເຈັດ (7) ມື້ຫຼັງຈາກການເກັບເອົາ. ນອກຈາກນີ້, ພວກເຮົາຈະເກັບຮັກສາ:

• ຂໍ້ມູນສ່ວນຕົວທີ່ຖືກປະມວນຜົນແລ້ວສຳລັບການຈັດການຄວາມສຳພັນກັບລູກຄ້າ ເຊັ່ນ ຈຸດປະສົງໃນການຮ້ອງຮຽນ, ຄຳຂໍເຈົ້າຂອງຂໍ້ມູນ, ການບັນທຶກຄຳຍິນຍອມ ແລະ ການຈັດການສັນຍາເປັນເວລາເຖິງຫ້າ (5) ປີ.

• ຂໍ້ມູນສ່ວນຕົວທີ່ຖືກໃຊ້ສຳລັບຈຸດປະສົງຂອງການວິເຄາະ ແລະ ການພັດທະນາ​ບໍ່​ເກີນສິບສອງ (12) ເດືອນຈາກການເກັບ​ເອົາ, ຍົກເວັ້ນແຕ່ທ່ານໄດ້ຄັດຄ້ານການປະມວນຜົນດັ່ງກ່າວແລ້ວ.

• ການບັນທຶກການສຳຮອງຂໍ້ມູນ ແລະ ແອັບ, ເຊິ່ງຖືກປະມວນຜົນເພື່ອຮັບປະກັນຄວາມປອດໄພໃນຂໍ້ມູນ ແລະ ການບໍລິການຂອງທ່ານ, ເປັນເວລາບໍ່ເກີນ 6 ເດືອນ ຈາກວັນທີທີ່ຖືກສ້າງຂຶ້ນ.

ພວກເຮົາຈັດເກັບຂໍ້ມູນຂອງທ່ານໃນ ສູນ​ຂໍ້​ມູນທີ່ຕັ້ງຢູ່ໃນຮ່ອງ​ກົງ (ຈີນ) ແລະ ສິງກະໂປສູນ​ຂໍ້​ມູນທີ່ຕັ້ງຢູ່ໃນ​​ສະ​ຫະ​ພາບ​ເອີ​ຣົບ (EU)/ເຂດ​ເສດ​ຖະ​ກິດ​ເອີ​ຣົບ (EEA) ສູນ​ຂໍ້​ມູນຂອງ​ຜູ້​ສະ​ໜອງ​ຂອງ​ພວກ​ເຮົາ​ທີ່​ຕັ້ງ​ຢູ່​ໃນ​ສະ​ຫະ​ພັນ​ຣັດ​ເຊຍ​ທີ່​ດຳ​ເນີນ​ງານ​​ພາຍ​ໃຕ້​ສັນ​ຍາ ແລະ ເຮັດ​ໜ້າ​ທີ່​ໃນ​ນາມ​ຂອງ​ພວກ​ເຮົາ​ໃນ​ຖາ​ນະ​ເປັນ​ຜູ້​​ປະ​ມວນ​ຜົນ​ຂໍ້​ມູນ.

ການດຳເນີນທຸລະກິດຂອງພວກເຮົາອາດ​ຈະ​ກຳ​ນົດ​ໃຫ້​ພວກ​ເຮົາເຂົ້າເຖິງຂໍ້ມູນຂອງ​ທ່ານ​ຈາກ​ສະ​ຫະລັດ ອາຣັບ ເອມີເຣດ, ອາຟຣິກາໃຕ້, ໄນຈີເຣຍ, ມາເລເຊຍ, ຟິລິປີນ ແລະ ເຄນຢາ ແລະ ​ການ​ດຳ​ເນີນການບຳລຸງຮັກສາຂອງພວກເຮົາອາດ​ຈະ​ກຳ​ນົດໃຫ້​ພວກ​ເຮົາເຂົ້າເຖິງ​ຂໍ້​ມູນ​ຂອງທ່ານຈາກອິນເດຍ.

ນອກຈາກນີ້, ຂໍ້ມູນຂອງທ່ານຍັງອາດຈະຖືກປະມວນຜົນໂດຍສູນບໍລິການລູກຄ້າໃນ​ທ້ອງ​ຖິ່ນອີກດ້ວຍ, ຕົວຢ່າງ: ໃນອີຢິບ, ເມັກຊິກໂກ, ອິນເດຍ, ເກົາ​ຫຼີ​ໃຕ້ ແລະ ປາ​ກິດ​ສະ​ຖານ, ຖ້າໃນ​ປັດຈຸບັນນີ້ທ່ານກຳລັງອາໄສຢູ່ໃນປະເທດ/ພາກ​ພື້ນໃດໜຶ່ງເຫຼົ່ານີ້.

ການດຳເນີນທຸລະກິດຂອງພວກເຮົາ ເຊັ່ນ ການຕະຫຼາດ, ການສຳຫຼວດ, ການສົ່ງເສີມ​ການ​ຂາຍ, ການພັດທະນາທຸລະກິດ ແລະ ການສະໜັບສະໜູນລູກຄ້າ ອາດຈະ​ຈຳ​ເປັນ​ຕ້ອງ​ມີ​ການປະມວນຜົນຂໍ້ມູນສ່ວນຕົວຂອງທ່ານໂດຍຜູ້ສະໜອງຂອງພວກເຮົາທີ່ດຳເນີນງານ​ພາຍໃຕ້ສັນຍາ ແລະ ການເຮັດໜ້າທີ່ໃນນາມຂອງພວກເຮົາໃນ​ຖາ​ນະເປັນ​ຜູ້ປະມວນ​ຜົນ​ຂໍ້​ມູນທີ່ຢູ່ໃນສະຫະພັນຣັດເຊຍ ແລະ/ຫຼື ໃນ EU/EEA.

ພວກເຮົາອາດດຳເນີນໂອນຂໍ້ມູນສ່ວນຕົວຂ້າມປະເທດ/ພາກພື້ນຈາກສະຫະພັນຣັດເຊຍໄປຍັງປະເທດອື່ນໆ ເຊັ່ນ ໄອແລນ ແລະ ຟິນແລນ ແລະ ພາກພື້ນ/ປະເທດອື່ນໆຢູ່ນອກ EU/EEA ແລະ ສະຫະພັນຣັດເຊຍ. ​ໂດຍ​ເອກະສານນີ້ ທ່ານ​ໃຫ້​ຄຳ​ຍິນຍອມ​​ຂອງ​ທ່ານ​ແ​​ກ່​ພວ​ກ​ເຮົາ​ທີ່​ຈຳ​ເປັນ​ພາຍ​ໃຕ້​ກົດ​ໝາຍ​ຂອງ​ສະ​ຫະ​ພັນ​ຣັດ​ເຊຍ ສຳ​ລັບ​ການ​ໂອນ​ຂໍ້​ມູນ​ສ່ວນ​ຕົວ​ຂອງ​ທ່ານ​ຂ້າມ​ປະເທດ​ໄປ​ຫາ​ປະ​ເທດ​ຕ່າງໆ​ຢູ່ນອກ​ສະ​ຫະ​ພັນ​ຣັດ​ເຊຍ.

ພວກເຮົາແຊຣ໌ຂໍ້ມູນຂອງທ່ານສະເພາະແຕ່:

• ຜູ້ຂາຍພາກສ່ວນທີສາມຂອງພວກເຮົາ, ຜູ້ທີ່ໃຫ້ການສະໜັບສະໜູນທາງດ້ານ IT (ລວມທັງການບໍລິການຕາມຄລາວ) ແລະ ທຸລະກິດ ພ້ອມການບໍລິການດູແລລູກຄ້າແກ່ພວກເຮົາ, ອາດຈະຈຳເປັນຕ້ອງໄດ້ປະມວນຜົນຂໍ້ມູນຂອງທ່ານ. ພາກສ່ວນທີສາມດັ່ງກ່າວທັງໝົດດຳເນີນງານພາຍໃຕ້ສັນຍາ ແລະ ເຮັດໜ້າທີ່ໃນນາມຂອງພວກເຮົາ ແລະ ຕັ້ງຢູ່ໃນ EU/EEA.

• ເມື່ອຈຳເປັນໃນການຕອບສະໜອງຕໍ່ຂະບວນການທາງກົດໝາຍ ຫຼື ການຮ້ອງຂໍຈາກໜ່ວຍງານທີ່ມີອຳນາດຕາມກົດໝາຍບັງຄັບໃຊ້ ຫຼື ກ່ຽວຂ້ອງກັບການດຳເນີນການ ຫຼື ຂະບວນການທາງກົດໝາຍ.

• ເມື່ອຕ້ອງເປັນສ່ວນໜຶ່ງຂອງການລວມເຂົ້າກັນ, ການໄດ້ມາ, ການຂາຍຊັບສິນ (ເຊັ່ນ ຂໍ້ຕົກລົງການບໍລິການ) ຫຼື ການຫັນປ່ຽນການບໍລິການໄປຍັງກຸ່ມບໍລິສັດ Huawei ຫຼື ບໍລິສັດອື່ນໆ.

• ນອກເໜືອຈາກການແຊຣ໌ລາຍງານທີ່ລວມເຂົ້າກັນກັບຜູ້ລົງໂຄສະນາ, ແພລດຟອມໂຄສະນາ Petal ຍັງໃຫ້ຂໍ້ມູນຕໍ່ໄປນີ້ແກ່ຜູ້ລົງໂຄສະນາທີ່ກ່ຽວຂ້ອງກັບວິທີທີ່ທ່ານໂຕ້ຕອບກັບໂຄສະນາຂອງພວກເຂົາ: ຕົວລະບຸການໂຄສະນາຂອງອຸປະກອນທີ່ມີຂໍ້ມູນກ່ຽວກັບແອັບທີ່ກຳລັງສະແດງໂຄສະນາໃຫ້ທ່ານເບິ່ງ (ຕົວຢ່າງ: ຊື່ແອັບ, ເວີຊັນ, ພາສາ ແລະ ປະ​ເທດ/ພາກ​ພື້ນ), ຂໍ້ມູນອຸປະກອນ (ເຊັ່ນ: ຍີ່ຫໍ້, ລຸ້ນ, ຄວາມລະອຽດໜ້າຈໍ ແລະ ຂໍ້ມູນລະບົບປະຕິບັດການ), ຂໍ້ມູນເຄືອຂ່າຍ (ເຊັ່ນ: ທີ່ຢູ່ IP, ຂໍ້ມູນບໍລິສັດເຄືອຂ່າຍມືຖື ແລະ ປະເພດເຄືອຂ່າຍ) ແລະ ຕົວລະບຸການໂຄສະນາ/ແຄມເປນ ແລະ ເຫດການໂຄສະນາ (ຕົວຢ່າງ: ການເບິ່ງ, ການຄລິກ, ການຫຼິ້ນ ແລະ ການດາວໂຫຼດໂຄສະນາ). ຜູ້ລົງໂຄສະນາປະມວນຂໍ້ມູນຕາມນະໂຍບາຍຄວາມເປັນສ່ວນຕົວຂອງພວກເຂົາ ແລະ ອາດຈະໃຊ້ມັນສຳລັບຈຸດປະສົງການວິເຄາະຄຸນລັກສະນະ, ການຕິດຕາມການຫັນປ່ຽນເປັນມູນຄ່າ, ການຕໍ່ຕ້ານການສໍ້ໂກງ ແລະ ການປະເມີນເອັບເຝັກ. ການປະມວນຜົນໃຫ້ຄວາມສົນໃຈທາງດ້ານການຄ້າຂອງພວກເຮົາ ແລະ ຂອງຜູ້ລົງໂຄສະນາຂອງພວກເຮົາ ເນື້ອງຈາກມັນຊ່ວຍໃຫ້ຜູ້ລົງໂຄສະນາສາມາດວິເຄາະໄດ້ວ່າ ຜູ້ໃຊ້ໂຕ້ຕອບກັບໂຄສະນາຂອງຕົນເອງແນວໃດ ແລະ ປະສິດທິພາບຂອງໂຄສະນາດັ່ງກ່າວ. ຜູ້ລົງໂຄສະນາຍັງອາດຈະໃຊ້ຂໍ້ມູນສຳລັບຈຸດປະສົງການເຮັດການຕະຫຼາດຄືນໃໝ່ (ຕົວຢ່າງ: ກຳນົດທ່ານເປັນເປົ້າໝາຍໂດຍອີງຕາມຂໍ້ເທັດຈິງວ່າທ່ານໄດ້ເຂົ້າເບິ່ງແອັບ ຫຼື ເວັບໄຊຂອງພວກເຂົາ) ແລະ ການປັບການໂຄສະນາເປັນແບບສ່ວນຕົວອື່ນໆ, ຖ້າທ່ານໄດ້ໃຫ້ການຍິນຍອມແກ່ຜູ້ລົງໂຄສະນາສຳລັບການປະມວນຜົນດັ່ງກ່າວ.

ທ່ານມີສິດ ແລະ ຕົວເລືອກໃນສິດທິເຈົ້າຂອງຂໍ້ມູນຕໍ່ໄປນີ້ກ່ຽວກັບຂໍ້ມູນສ່ວນຕົວຂອງທ່ານ.

ແພລດຟອມໂຄສະນາຂອງ Petal ສ້າງກຸ່ມສຳລັບຜູ້ລົງໂຄສະນາຕາມຂໍ້ມູນບັນຊີ HUAWEI ID ຂອງຜູ້ໃຊ້ ແລະ ການໂຕ້ຕອບອື່ນໆກັບ Huawei Mobile Services ແລະ ແອັບ​ພາກ​ສ່ວນ​ທີ​ສາມ.

ຖ້າທ່ານກຳລັງໃຊ້ອຸປະກອນ HMS, ທ່ານສາມາດເຫັນກຸ່ມທີ່ທ່ານໄດ້ເຂົ້າລວມຢູ່ ແລະ ເຊິ່ງມີໃຫ້ກັບຜູ້ລົງໂຄສະນາຂອງໂຄສະນາຂອງ Petal ໂດຍການໄປທີ່ ການຕັ້ງຄ່າ > ຄວາມເປັນສ່ວນຕົວ > ໂຄ​ສະ​ນາ ແລະ ຄວາມເປັນສ່ວນຕົວ > ຂໍ້ມູນເພີ່ມເຕີມ > ຂໍ້ມູນໂຄສະນາ ຫຼື ການຕັ້ງຄ່າ > HMS Core > ໂຄ​ສະ​ນາ > ຂໍ້ມູນເພີ່ມເຕີມ > ຂໍ້ມູນໂຄສະນາ ຫຼື ການຕັ້ງຄ່າ > ຄວາມເປັນສ່ວນຕົວ > HMS Core > ໂຄ​ສະ​ນາ > ຂໍ້ມູນເພີ່ມເຕີມ > ຂໍ້ມູນໂຄສະນາ ຫຼື ການຕັ້ງຄ່າ > ຄວາມ​ປອດ​ໄພ ແລະ ຄວາມລັບສ່ວນຕົວ > ຂໍ້ມູນເພີ່ມເຕີມ > ຕົວ​ລະ​ບຸອຸ​ປະ​ກອນ > ຂໍ້ມູນເພີ່ມເຕີມ > ຂໍ້ມູນໂຄສະນາ ໃນອຸປະກອນຂອງທ່ານ ເຊິ່ງຂຶ້ນຢູ່ກັບເວີຊັນລະບົບປະຕິບັດການຂອງທ່ານ. ເພື່ອປົກປ້ອງຂໍ້ມູນນີ້ຈາກການໃຊ້ໃນທາງທີ່ຜິດ, ກຸ່ມຕ່າງໆຈະປະກົດໃຫ້ເຫັນໃນໜ້າຂໍ້ມູນໂຄສະນາເທົ່ານັ້ນ ຖ້າທ່ານໄດ້ເຂົ້າລະບົບບັນຊີ HUAWEI ID ຂອງທ່ານແລ້ວ. ນອກຈາກນີ້ ທ່ານອາດຈະເຂົ້າສູ່ລະບົບບັນຊີ HUAWEI ID ຂອງທ່ານ ແລະ ໄປທີ່ ການຕັ້ງຄ່າ ອຸປະກອນ > ສູນບັນ​ຊີ > ສູນ​ຄວາມ​ເປັນ​ສ່ວນ​ຕົວ > ກຳ​ນົດ​ຄ່າການຕັ້ງຄ່າ​ຄວາມ​ເປັນ​ສ່ວນ​ຕົວ​ຂອງ​ທ່ານ > ການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວ ເພື່ອເຂົ້າເຖິງກຸ່ມ.

​ນອກຈາກນີ້ ​ທ່ານ​ຍັງ​ສາ​ມາດເຂົ້າ​ເຖິງ​ການ​ຕັ້ງ​ຄ່າ​ສູ​ນ​ຄວາມ​ເປັນ​ສ່ວນ​ຕົວ​ໄດ້​ຈາກ ເວັບໄຊ HUAWEI ID.

ຖ້າທ່ານບໍ່ມີບັນຊີ HUAWEI ID ແລະ ຕ້ອງການເຂົ້າເຖິງກຸ່ມດັ່ງກ່າວ, ລວມທັງກຸ່ມທີ່ຖືກສ້າງຂຶ້ນໂດຍອີງຕາມຕົວລະບຸການໂຄສະນາຂອງອຸປະກອນ GMS ຂອງທ່ານ ຫຼື ມີຄຳຮ້ອງຂໍອື່ນໆກ່ຽວກັບການເຂົ້າເຖິງຂໍ້ມູນຂອງທ່ານ, ກະລຸນາ ຕິດຕໍ່ພວກເຮົາ.

ທ່ານສາມາດຂໍຂໍ້ມູນສ່ວນຕົວຂອງທ່ານ, ເຊິ່ງທ່ານໄດ້ໃຫ້ໄວ້ກັບພວກເຮົາ, ເພື່ອທີ່ຈະຖືກໂອນຫາທ່ານໃນຮູບແບບທີ່ສາມາດອ່ານໄດ້ດ້ວຍໂປຣແກຣມທີ່ໃຊ້ຢູ່ໂດຍທົ່ວໄປໂດຍ ການຕິດຕໍ່ພວກເຮົາ.

ທ່ານອາດຈະລຶບໄດ້ຕະຫຼອດເວລາ:

• ຄັດຄ້ານການປະມວນຜົນຂໍ້ມູນສ່ວນຕົວຂອງທ່ານ, ຕາມ​ລາຍ​ລະ​ອຽດ​ໃນ ຂໍ້ 5.4. ຖ້າການຄັດຄ້ານຂອງທ່ານໃຊ້ໄດ້ ແລະ ພວກເຮົາບໍ່ມີພື້ນຖານທາງດ້ານກົດໝາຍໃນການສືບຕໍ່ການປະມວນຜົນຂໍ້ມູນຂອງທ່ານອີກຕໍ່ໄປ, ພວກເຮົາຈະລຶບ ຫຼື ບໍລະບຸຊື່ຂໍ້ມູນທີ່ກ່ຽວຂ້ອງພາຍໃນການຄັດຄ້ານທີ່ມີຜົນບັງຄັບໃຊ້ຂອງທ່ານ. ນອກຈາກນີ້ ທ່ານຍັງສາມາດເລືອກທີ່ຈະຕັ້ງຄ່າຕົວ​ລະ​ບຸການ​ໂຄ​ສະ​ນາຄືນໄດ້ໂດຍການເບິ່ງທີ່ຄຳແນະນຳຕໍ່ໄປນີ້:

  • ຖ້າທ່ານກຳລັງໃຊ້ອຸປະກອນ HMS, ໄປທີ່ ການຕັ້ງຄ່າ > ຄວາມເປັນສ່ວນຕົວ > ໂຄສະນາ ແລະ ຄວາມເປັນສ່ວນຕົວ ຫຼື ການຕັ້ງຄ່າ > HMS Core > ໂຄສະນາ ຫຼື ການຕັ້ງຄ່າ > ຄວາມເປັນສ່ວນຕົວ > HMS Core > ໂຄສະນາ ຫຼື ການຕັ້ງຄ່າ > ຄວາມປອດໄພ ແລະ ຄວາມເປັນສ່ວນຕົວ > ການຕັ້ງຄ່າເພີ່ມເຕີມ > ຕົວລະບຸອຸປະກອນໂດຍຂຶ້ນກັບເວີຊັນລະບົບປະຕິບັດການຂອງທ່ານ. ໃນໂທລະພາບອັດສະລິຍະຂອງທ່ານ, ໄປທີ່ ການຕັ້ງຄ່າ > ລະບົບ > HMS Core > ໂຄສະນາ. ໃນກໍລະນີນີ້ທີ່ອຸປະກອນຂອງທ່ານຈະສ້າງຕົວລະບຸແບບສຸ່ມໃໝ່ ແລະ ຂໍ້ມູນທີ່ກ່ຽວຂ້ອງກັບຕົວລະບຸການໂຄສະນາກ່ອນໜ້າຂອງທ່ານຈະບໍ່ຖືກລິ້ງຫາຕົວລະບຸໃໝ່.

  • ຖ້າທ່ານກຳລັງໃຊ້ອຸປະກອນ GMS ທີ່ບໍ່ມີການຕັ້ງຄ່າອຸປະກອນທີ່ກ່າວມາຂ້າງເທິງນັ້ນ, ກະລຸນາໃຊ້ການຕັ້ງຄ່າການໂຄສະນາຂອງ Google ຈາກ ການຕັ້ງຄ່າ > Google > ໂຄສະນາ > ຕັ້ງຄ່າ ID ໂຄສະນາຄືນ ໃນອຸປະກອນ.

• ຕິດຕໍ່ພວກເຮົາ ຖ້າທ່ານຄິດວ່າການປະມວນຜົນຂໍ້ມູນສ່ວນຕົວຂອງທ່ານເປັນເລື່ອງທີ່ຜິດກົດໝາຍ ແລະ ຂໍ້ມູນຂອງທ່ານຄວນຈະຖືກລຶບ.

ພວກເຮົາຈະລຶບ ຫຼື ບໍ່ລະບຸຊື່ຂໍ້ມູນສ່ວນຕົວຂອງທ່ານໂດຍບໍ່ມີການລ່າຊ້າເກີນໄປຕາມໄລຍະເວລາເກັບຮັກສາທີ່ລະບຸໄວ້ໃນ ຂໍ້ 3. ເມື່ອທ່ານປິດ​ໃຊ້​ງານໂຄສະນາ​ເປັນ​ແບບສ່ວນ​ຕົວ, ມັນອາດຈະເຮັດໃຫ້ພວກເຮົາໃຊ້ເວລາເຖິງ 7 ວັນໃນການລຶບ ຫຼື ບໍ່ລະບຸຊື່ຂໍ້ມູນທັງໝົດຂອງທ່ານຈາກລະບົບການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວຂອງພວກເຮົາ. ຖ້າ​ທ່ານ​ຄັດ​ຄ້ານ​ຕໍ່​ການ​ປະ​ມວນ​ຜົນ​ສຳ​ລັບ​ຈຸດ​ປະ​ສົງ​ໃນ​ການ​ວິ​ເຄາະ ແລະ ການ​ພັດ​ທະ​ນາ, ມັນ​ອາດ​ຈະ​ໃຊ້​ເວ​ລາ​ເຖິງ 14 ມື້ ເພື່ອ​ລຶບ​ຂໍ້​ມູນ​ທັງ​ໝົດ​ທີ່​ປະ​ມວນ​ຜົນ​ສຳ​ລັບ​​ຈຸດ​ປະ​ສົງ​ດັ່ງ​ກ່າວ​ຢ່າງ​ສົມ​ບູນ.

ທ່ານສາມາດເລືອກທີ່ຈະບໍ່ໃຫ້ມີການປະມວນຜົນຂໍ້ມູນສ່ວນຕົວຂອງທ່ານສຳລັບໂຄສະນາເປັນແບບສ່ວນຕົວໄດ້ຕະຫຼອດເວລາໂດຍການເບິ່ງທີ່ຄຳແນະນຳຕໍ່ໄປນີ້:

• ຖ້າທ່ານກຳລັງໃຊ້ອຸປະກອນ HMS, ເລືອກ ປິດໃຊ້ງານໂຄສະນາແບບເປັນສ່ວນຕົວ ຈາກ ການຕັ້ງຄ່າ > ຄວາມເປັນສ່ວນຕົວ > ໂຄສະນາ ແລະ ຄວາມເປັນສ່ວນຕົວ ຫຼື ການຕັ້ງຄ່າ > HMS Core > ໂຄສະນາ ຫຼື ການຕັ້ງຄ່າ > ຄວາມເປັນສ່ວນຕົວ > HMS Core > ໂຄສະນາ ຫຼື ການຕັ້ງຄ່າ > ຄວາມປອດໄພ ແລະ ຄວາມເປັນສ່ວນຕົວ > ການຕັ້ງຄ່າເພີ່ມເຕີມ > ຕົວລະບຸອຸປະກອນໂດຍຂຶ້ນກັບເວີຊັນລະບົບປະຕິບັດການຂອງທ່ານ. ໃນໂທລະພາບອັດສະລິຍະຂອງທ່ານ, ໄປທີ່ ການຕັ້ງຄ່າ > ລະບົບ > HMS Core > ໂຄສະນາ. ຖ້າທ່ານຄັດຄ້ານການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວ, ຕົວລະບຸການໂຄສະນາຂອງ Huawei ຂອງທ່ານທ່ານຈະຖືກປ່ຽນແທນດ້ວຍຄ່າທີ່ບໍ່ຊ້ຳກັນຂອງເລກສູນທັງໝົດເພື່ອປ້ອງກັນບໍ່ໃຫ້ມີການສະແດງໂຄສະນາເປົ້າໝາຍແກ່ທ່ານ.

• ຖ້າທ່ານກຳລັງໃຊ້ອຸປະກອນ GMS ທີ່ບໍ່ມີການຕັ້ງຄ່າອຸປະກອນ HMS ທີ່ກ່າວມາຂ້າງເທິງ, ກະລຸນາໃຊ້ການຕັ້ງຄ່າການໂຄສະນາຂອງ Google ຈາກ ການຕັ້ງຄ່າ > Google > ໂຄສະນາ > ຖອນຕົວອອກຈາກການປັບໂຄສະນາເປັນແບບສ່ວນຕົວ ຫຼື ລຶບ ID ການໂຄສະນາ ໃນອຸປະກອນ ຂຶ້ນຢູ່ກັບເວີຊັນລະບົບປະຕິບັດການຂອງທ່ານ.

ຖ້າທ່ານໄດ້ປິດໃຊ້ງານການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວ, ໂຄສະນາຈະຖືກເຜີຍແຜ່ຕາມປັດໃຈທົ່ວໄປ ເຊັ່ນ ເນື້ອໃນທີ່ທ່ານກຳລັງເບິ່ງ, ການຕັ້ງຄ່າພາສາອຸປະກອນ ແລະ ລຸ້ນ​ອຸ​ປະ​ກອນ ຫຼື ເປັນໂຄສະນາອັດສະລິຍະ.

ທ່ານສາມາດເລືອກ ປິດໃຊ້ງານໂຄສະນາອັດສະລິຍະ ໄດ້ຕະຫຼອດເວລາຈາກ ການຕັ້ງຄ່າ > ຄວາມເປັນສ່ວນຕົວ > ການ​ໂຄ​ສະ​ນາ ແລະ ຄວາມ​ເປັນ​ສ່ວນ​ຕົວ > ຂໍ້ມູນເພີ່ມ​ເຕີມ, ຫຼື ການຕັ້ງຄ່າ > HMS Core > ໂຄ​ສະ​ນາ > ຂໍ້ມູນເພີ່ມ​ເຕີມ, ຫຼື ການຕັ້ງຄ່າ > ຄວາມເປັນສ່ວນຕົວ > HMS Core > ໂຄ​ສະ​ນາ > ຂໍ້ມູນເພີ່ມ​ເຕີມ, ຫຼື ການຕັ້ງຄ່າ > ຄວາມ​ປອດ​ໄພ ແລະ​ ຄວາມ​ລັບສ່ວນ​ຕົວ > ການຕັ້ງຄ່າເພີ່ມເຕີມ > ຕົວ​ລະ​ບຸອຸ​ປະ​ກອນ > ຂໍ້ມູນເພີ່ມ​ເຕີມ, ຂຶ້ນຢູ່ກັບເວີຊັນລະບົບປະຕິບັດການຂອງທ່ານ.

ຖ້າທ່ານຕ້ອງການຄັດຄ້ານການປະມວນຜົນຂໍ້ມູນຂອງທ່ານສຳລັບຈຸດປະສົງທາງດ້ານການວິເຄາະ ແລະ ການພັດທະນາ, ກະລຸນາ ຕິດຕໍ່ພວກເຮົາ.

ນອກຈາກນີ້ ທ່ານຍັງສາມາດເລືອກທີ່ຈະຕັ້ງຄ່າຕົວ​ລະ​ບຸການ​ໂຄ​ສະ​ນາຄືນຕາມທີ່ໄດ້ແນະນຳໃນ ຂໍ້ 5.3. ໃນກໍລະນີນີ້ທີ່ອຸປະກອນຂອງທ່ານຈະສ້າງຕົວລະບຸແບບສຸ່ມໃໝ່ ແລະ ຂໍ້ມູນທີ່ກ່ຽວຂ້ອງກັບຕົວລະບຸການໂຄສະນາກ່ອນໜ້າຂອງທ່ານຈະບໍ່ຖືກລິ້ງຫາຕົວລະບຸໃໝ່.

ຖ້າທ່ານໄດ້ໃຫ້ຄຳຍິນຍອມກັບແອັບພາກສ່ວນທີສາມສຳລັບການແຊຣ໌ຂໍ້ມູນຂອງທ່ານກັບໂຄ​ສະ​ນາ Petal ສຳລັບຈຸດປະສົງທີ່ກ່າວມາໃນຄໍາຢັ້ງ​ຢືນຄວາມເປັນສ່ວນຕົວນີ້, ທ່ານຈຳເປັນຕ້ອງໄດ້ຖອນຄຳຍິນຍອມຂອງທ່ານຈາກແອັບນັ້ນເພື່ອລະບຸວ່າທ່ານບໍ່ຕ້ອງການໃຫ້ແອັບນັ້ນແຊຣ໌ຂໍ້ມູນກັບພວກເຮົາອີກຕໍ່ໄປ.

ຖ້າທ່ານໄດ້ໃຫ້ຄຳຍິນຍອມຂອງທ່ານໃນອຸປະກອນ HMS ສຳລັບການປະມວນຜົນໃນຂໍ້ມູນສະຖານທີ່ຂອງທ່ານເພື່ອໃຫ້ໂຄສະນາທີ່ອີງຕາມທີ່ຕັ້ງ, ທ່ານສາມາດຖອນຄຳຍິນຍອມຂອງທ່ານໄດ້ໂດຍການໄປທີ່ ການຕັ້ງຄ່າ > ຄວາມເປັນສ່ວນຕົວ > ສະຖານທີ່ > ການບໍລິການລະບົບ ໃນອຸປະກອນ.

ຖ້າທ່ານຕ້ອງການຈຳກັດການປະມວນຜົນຂໍ້ມູນສ່ວນຕົວຂອງທ່ານ, ກະລຸນາ ຕິດຕໍ່ພວກເຮົາ. ທ່ານມີສິດໃນການຈຳກັດການປະມວນຜົນຂໍ້ມູນຂອງທ່ານໃນກໍລະນີຕໍ່ໄປນີ້:

• ຂໍ້ມູນຂອງທ່ານຖືກປະມວນຜົນຢ່າງຜິດກົດໝາຍ ແຕ່ທ່ານບໍ່ຕ້ອງການລຶບມັນ.

• ທ່ານມີການອ້າງສິດທາງກົດໝາຍທີ່ທ່ານຈຳເປັນຕ້ອງສ້າງ, ນຳໃຊ້ ແລະ ປົກປ້ອງ ແລະ ທ່ານໄດ້ຂໍໃຫ້ພວກເຮົາເກັບຂໍ້ມູນຂອງທ່ານໄວ້ ເມື່ອພວກເຮົາຈະບໍ່ເກັບມັນໄວ້ເປັນຢ່າງອື່ນ.

• ທ່ານກຳລັງໂຕ້ແຍ້ງກັບຄວາມຖືກຕ້ອງຂອງຂໍ້ມູນສ່ວນຕົວຂອງທ່ານ ແລະ ຄວາມຖືກຕ້ອງຂອງຂໍ້ມູນຂອງທ່ານກຳລັງລໍຖ້າການກວດສອບຂອງພວກເຮົາ.

• ຄຳຂໍຂອງທ່ານສຳລັບການຄັດຄ້ານກຳລັງລໍຖ້າການກວດສອບຂອງພວກເຮົາ.

ເມື່ອສົ່ງຄຳຂໍ, ກະລຸນາລະບຸຂອບເຂດ ແລະ ພື້ນຖານຂອງຄຳຂໍ. ພວກເຮົາຈະຕິດຕໍ່ຫາທ່ານເພື່ອກວດສອບຕົວຕົນຂອງທ່ານເພື່ອດຳເນີນການກັບຄຳຂໍຂອງທ່ານ.

ທ່ານສາມາດເຂົ້າເຖິງ ແລະ ແກ້ໄຂກຸ່ມທີ່ທ່ານເຂົ້າຮ່ວມຢູ່ດ້ວຍ ແລະ ເຊິ່ງມີໃຫ້ກັບຜູ້ລົງໂຄສະນາຂອງໂຄ​ສະ​ນາ Petal ໂດຍການໄປທີ່ ການຕັ້ງຄ່າ > ສູນບັນ​ຊີ > ສູນ​ຄວາມ​ເປັນ​ສ່ວນ​ຕົວ > ກຳ​ນົດ​ຄ່າການຕັ້ງຄ່າ​ຄວາມ​ເປັນ​ສ່ວນ​ຕົວ​ຂອງ​ທ່ານ > ການ​ປັບ​ໂຄ​ສະ​ນາ​ໃຫ້​ເປັນ​ສ່ວນ​ຕົວ. ໂດຍການສຳຜັດກຸ່ມໃດໜຶ່ງ, ທ່ານສາມາດປິດໃຊ້ງານມັນ (ເຊັ່ນ ຖ້າທ່ານຄິດວ່າ ກຸ່ມນັ້ນບໍ່ສະແດງຄວາມສົນໃຈຂອງທ່ານຢ່າງຖືກຕ້ອງ ຫຼື ຂໍ້ມູນປະຊາກອນບໍ່ຖືກຕ້ອງ) ແລະ ມັນຈະບໍ່ເຊື່ອມໂຍງກັບອຸປະກອນຂອງທ່ານອີກຕໍ່ໄປ. ນອກຈາກນີ້ ທ່ານຍັງສາມາດແກ້ໄຂຂໍ້ມູນບັນຊີ HUAWEI ID ຕາມກຸ່ມ ໂດຍການອັບເດດຂໍ້ມູນບັນຊີຂອງທ່ານ ໂດຍການໄປທີ່ ການຕັ້ງຄ່າ > ສູນບັນ​ຊີ > ຂໍ້ມູນສ່ວນຕົວ.

​ນອກຈາກນີ້ ​ທ່ານ​ຍັງ​ສາ​ມາດເຂົ້າ​ເຖິງ​ການ​ຕັ້ງ​ຄ່າ​ສູ​ນ​ຄວາມ​ເປັນ​ສ່ວນ​ຕົວ​ໄດ້​ຈາກ ເວັບໄຊ HUAWEI ID.

ຖ້າທ່ານບໍ່ມີບັນຊີ HUAWEI ID ແລະ ຕ້ອງການເຂົ້າເຖິງ ແລະ ແກ້ໄຂຂໍ້ມູນກຸ່ມດັ່ງກ່າວ, ລວມທັງກຸ່ມທີ່ຖືກສ້າງຂຶ້ນໂດຍອີງຕາມຕົວລະບຸການໂຄສະນາຂອງອຸປະກອນ GMS ຂອງທ່ານ ຫຼື ມີຄຳຮ້ອງຂໍອື່ນໆກ່ຽວກັບການແກ້ໄຂຂໍ້ມູນຂອງທ່ານ, ກະລຸນາ ຕິດຕໍ່ພວກເຮົາ. ເມື່ອສົ່ງຄຳຂໍ, ກະລຸນາລະບຸຂໍ້ມູນທີ່ທ່ານຄິດວ່າບໍ່ຖືກຕ້ອງ ຫຼື ບໍ່ຄົບຖ້ວນ.

ທ່ານສາມາດຊອກຫາຄຳແນະນຳກ່ຽວກັບວິທີການໃຊ້ສິດທິເຈົ້າຂອງຂໍ້ມູນຂອງທ່ານໄດ້ໃນ ຂໍ້ 5. ຖ້າທ່ານມີຄຳຖາມໃດໆກ່ຽວກັບສິດ​ທິ​ຂອງທ່ານໃນ​ຖາ​ນະ​ເປັນ​ເຈົ້າ​ຂອງຂໍ້ມູນ ຫຼື ການປະມວນຜົນຂໍ້ມູນສ່ວນຕົວຂອງທ່ານ​ໂດຍພວກເຮົາ ຫຼື ຖ້າທ່ານຕ້ອງການຕິດຕໍ່ເຈົ້າ​ໜ້າ​ທີ່ປົກ​​ປ້ອງ​ຂໍ້​ມູນຂອງພວກເຮົາ, ກະລຸນາ ຕິດຕໍ່ພວກເຮົາ.

ທີ່ຢູ່​ສຳນັກງານໃຫຍ່ຂອງພວກເຮົາ: Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong. ໝາຍເລກທະບຽນ 1451551. Aspiegel SE, 3rd floor, Mespil Court, Mespil Road, Ballsbridge, Dublin 4, D04 E516, Ireland. ໝາຍເລກທະບຽນ 561134.

ຖ້າ​ທ່ານ​ກຳ​ລັງ​ໃຊ້​ການ​ບໍ​ລິ​ການ​ດ້ວຍ​ອຸ​ປະ​ກອນ​ທີ່​ບໍ່​ຮອງ​ຮັບໄຮເປີ​ລິ້ງຂ້າງເທິງ (ເຊັ່ນ ກັບ TV ອັດ​ສະ​ລິ​ຍະຂອງ Huawei), ກະລຸນາຕິດຕໍ່ພວກເຮົາຜ່ານ https://consumer.huawei.com/en/legal/privacy-questions/ ໂດຍໃຊ້ອຸປະກອນອື່ນ, ເຊັ່ນ PC.

ຖ້າທ່ານເ​ຊື່ອວ່າພວກເຮົາບໍ່​ໄດ້​ກຳ​ລັງປະມວນຜົນຂໍ້ມູນສ່ວນຕົວຂອງ​ທ່ານ​ຕາມ​ຄຳຖະແຫຼງນີ້ ຫຼື ກົດ​ໝາຍວ່າ​ດ້ວຍການປົກປ້ອງຂໍ້ມູນທີ່ບັງຄັບໃຊ້, ທ່ານສາມາດຍື່ນຄຳຮ້ອງ​ຮຽນກັບເຈົ້າ​ໜ້າ​ທີ່​ປົກປ້ອງຂໍ້ມູນໃນປະເທດ/ພາກພື້ນຂອງທ່ານ ຫຼື ຄະ​ນະ​ກຳ​ມະ​ການ​​ປົກ​ປ້ອງຄວາມເປັນສ່ວນຕົວ​ສຳ​ລັບ​ຂໍ້​ມູນສ່ວນຕົວໃນຮ່ອງກົງ (ຈີນ) ຄະ​ນະ​ກຳ​ມະ​ການ​ປົກ​ປ້ອງ​ຂໍ້​ມູນ​ໃນ​ໄອ​ແລນ.

ພວກເຮົາສົ່ງເສີມໃຫ້ທ່ານກວດເບິ່ງເວີຊັນຫຼ້າສຸດຂອງຄຳຖະແຫຼງນີ້ຢ່າງເປັນປະຈຳຈາກການຕັ້ງຄ່າແອັບ ເພາະວ່າພວກເຮົາອາດປ່ຽນແປງມັນເປັນບາງຄັ້ງຄາວ. ຖ້າພວກເຮົາເຮັດການປ່ຽນແປງຂໍ້ມູນໃດໜຶ່ງໃນຄຳຖະແຫຼງນີ້, ພວກເຮົາຈະແຈ້ງເຕືອນທ່ານໂດຍໃຊ້ວິທີການທີ່ເໝາະສົມ, ເຊັ່ນ ຜ່ານກ່ອງ​​ໂຕ້​ຕອບການແຈ້ງເຕືອນ, ຂໍ້ຄວາມການແຈ້ງເຕືອນໃນອຸປະກອນຂອງທ່ານ, ອີເມວ, ອື່ນໆ., ຂຶ້ນຢູ່ກັບລັກສະນະຂອງການປ່ຽນແປງ.